من زمان وانا بحلم بالسفر
من زمان و شنطتي مستنية
ترحل رحلة العمر
اقول لنفسي بكرة يجي
و المال يجري في ايدي
ومعه يا لهفة تزيدي
والحلم يكبر...يكبر
ومرت الايام و الاشهر
و الحلم يكبر...يكبر
مادريتش غير وانا بقرر
احقق حلمي, و ناسي اهجر
رحت لبلاد الشمس مصر
شفت القلعة و زرت الحسين
سهرت عالنيل لحد السحر
صورت الهرم و الخليلي
و اشتريت البردي و العطر
و في يوم رحت عاسكندرية
ام البحر و المرية
عشان اتفرج عالجناين
بتاعت فاروق و القصر
لا خفت الغربة ولا خدت حدر
ضحكت لكل الناس و ضحكت لي
و مدريتش بلي مخبيه القدر
كانت عيون حلوة و ومجنونة
خلتني ابقى للحظة مفتونة
و كل العالم ملك ايدي
و انا اقول من فرحتي يا سيدي
قالي يا بنت شبرا هدي
قلت فداك كل الشبر
و جاء المساء و ساعة الفراق
حسيت بيتم مالوش عزاء
و دموعي تنزل زي المطر
بصيت له بصة قطعتني
كان قلبه زيي انفطر
و سافرت تاني و بعدت
و قضيت الليل مع نور القمر
كان اطول ليل اطول سهر
و ساعة مطلعت شمس الفجر
كانت انفتحت لي طاقة القدر
قابلت الصحبة الطيبة
كلنا الترمس و الجمبري
ضحكنا حكينا و قلنا شعر
قالي احبك احب الشفايف
زيك في الدنيا مش شايف
حبيت لون شعرك لون الجمر
هاتي ايدك نتخطى الصعاب
نحب الحب و نكره العذاب
تعالي نتحدى كل الخطر
مشيت ورى ظله سعيدة
و السكينة سارقاني بعيدة
شوقي غلبني و خوفي حاصرني
لكن حبنا انتصر
و رجعت لبلدي سايبة له قلبي
و انا بدعي و اقول يا ربي
ياريتها كانت من زمان رحلة العمر
